Pizarro al amo: un texto desconocíu en llionés del sieglo XIX

Nesti trabayu publícase “Pizarro al amo”, un texto satíricu en llionés aparecíu nel 1879 nel periódicu El Porvenir de León y ignoráu polos estudios de literatura asturllionesa hasta hoi. Pa
entender la importancia d’esti descubrimientu, ofrezse un repasu pola literatura n’asturllionés occidental del sieglo XIX, con especial atención a los pocos textos conservaos de Llión. A continuación, sitúase la obra nel so contexto históricu, periodísticu y políticu, presentando una hipótesis d’identificación d’ún de los personaxes criticaos. Complétase’l trabayu con un análisis lingüísticu qu’asitia la variedá usada en texto y afonda en delles de les sos característiques