La maxia de Garcibuey: La ruta de los murales
Garcibuey ye un pueblín de la provincia de Salamanca que cobró fama nos últimos anus polos sus impresionantes murales al aire llibre. La Ruta de los Murales ye un percorríu que llévanos polas cais y plazas del pueblu, onde podemos almirare obras d’arte urbanu que cuentan hestorias, amuesan la cultura llocal y aguapan l’entornu.
Hestoria de los Murales:
Los murales de Garcibuey son obra d’artistas de la tierra y de fuera que quixeron dexar la so robra nesti pueblu salamanquín. La iniciativa xurdió comu una forma de dare vida de nuevu al pueblu y fomentare´l turismu cultural. Dende entós, fuéronse sumando murales nuevus y más artistas, cunvirtiendo a Garcibuey nun destín emprescindible pa los amantes del arte urbanu.
¿Sabías que´l mural más grande d´Europa está en Garcibuey?
Llámase “Tritón Miguelón”, mide 1.500 m2 y foi fechu pa la tercera edición de Graffitibuey.
Ruta
Cómu allegar:
Garcibuey alcuéntrase na comarca de la Sierra de Francia, a unos 70 km de Salamanca capital. Pue allegase en coche pola carretera SA-204. Tamién hai opciones de tresporte púbricu dende Salamanca.
Conseyos Práuticos:
- La ruta de los murales ye de baldre y pue facese en cualesquier momentu del añu.
- Ye aconseyable llevar cámara pa pillar los detalles y la guapura de los murales.
- El pueblu cuenta con dellos llugares pa comer y durmir pa disfrutar d’una estancia completa.
La Ruta de los Murales en Garcibuey ye un destinu cultural y artísticu que nun te pues perder. Cola so mezcla d’arte urbanu, cultura llocal y guapura natural, Garcibuey ye un llugar que te fará sentir la maxia de la Sierra de Francia. ¡Vente y descubre por qué Garcibuey ye un destinu imprescindible na provincia de Salamanca!
Agradecimientos a Alberto y Paty
