Ruta pola Cascada las Pilas, Almaraz de Duero

Cristina Martín

10 de marzo de 2023 2 Mins de Lectura

Un relaxante paseu pulos paraxes de los Arribes del Duero en Tierra´l Pan.

La ruta encamentada pa güei ye d´una dificultá senciella destinada a tolas edaes, y va dexanos disfrutar d´unos guapos paisaxes con cascadas y meandros.

Entamamos la nuesa caminata pol encantador puebru de Almaraz de Duero, ye recomendable una visita polas suas caleyas y almirar la arquitectura tan típica d´esta zona zamorana.

Dende la plaza mayor, tomamos direición sur pol camín paralelu al arroyu los Molinos que cruza tol puebru.

Siguimos la senda y toparémonos colas ruinas del pobláu mineru, dedicáu nel su día a extrayer estañu. Ellí podemos facer una paradina pa folgar, esisten mesas y bancos. Ye una ruta bien limpina y cuidada, pero prosigamos!

Un mizcu más palantre, dempués de cruzar un puente madera, ta la cascada las pilas, llamau asina polas “pilas” d´agua que forma el riu nesta parte de las Arribes.

Final del nuesu viaxe d´ida, agora toca disfrutar del paisaxe antes re recoyer los bártulos pal regresu, siguiendo el mismu camin o pol otru que muéstrase nel mapa la ruta.