Pereruela reconocía comu zona d´interés artesanal

Pereruela y el contornu gozan d'una tradición artesana que remóntase a sieglos tras, calteniéndose fasta güei

Destaca la óptima calidá de los suos bárrabus, que face abondiu resistentes las piezas equí ellaboradas. Son populares las cazuelas y fornos de leña, polo xeneral piezas culinarias.

Nel sieglu XIX, distintas ferias y esposiciones en París y Viena llograron que l'alfarería de Pereruela consiguiera fama a nivel internacional, principalmente polos suos afamaos fornos de leña.

Va escasos días facíase oficial la reconocencia de zona d'interés artesanal pa'l conceyu zamoranu, distinción otorgada pola Conseyería d'Industria, Comerciu y Empléu de la Xunta de C. y Llión. Reconocencia que d'una forma u outra va sere positivu pa la localidá, anque nun se descobrió na nuevu debaixu´l sol, y munchas otras zonas llionesas de tradición artesanal siguen ensín sere "reconocidas" pola alministración pública.

Pereruela foi la cuarta zona de la Comunidá autónoma en recibir esta reconocencia tras Portiellu (Valladolid 2016), Ximénez de Jamuz (Llión) y Las Merindaes (Burgos).
Deseyamos qu'esta "reconocencia" nun quédese namás en Pereruela, y sían reconocías otras zonas alfareras como por casu la contorna de Toru y tantas otras antiguas comunidaes artesanas, que desgraciadamente siguen ensin cuntar col abondu sofitu de las alministraciones.

Y taría prestosu puestos a reconnocere...que tengan a bien lliere dalgún testu en llingua llionesa, a vere si a dalgún d'estos "reconocedores" de la xunta allúmase-y la su bombiella…