Cartelería en senabrés
Criosanabria continuará su campaña de promoción en 2026
El vienres 6 de febreiru escomienzan las xornadas culturales tituladas Calechos d’hibiernu, entamadas pola Asociación Cultural Faceira y la Conceyalía d’Acción y Promoción cultural del Ayuntamientu de Llión, qu’anguaño tienen cumo eixe temáticu la llengua y literatura llionesas.
El calechu yera una reunión típica de los pueblos de la montaña noroccidental llionesa, concretamente de las comarcas de Ribas de Sil, Tsaciana, Vabia, Oumaña, Tsuna, Ordás y El Bierciu, onde se conoz cono nome de caleyu. Al cabu la tarde, axuntábanse varios vecinos y/ou achegáos na calle –se’l tiempu lo permitía– ou na cocina d’unu d’ellos, cono propósitu de pasar d’un xeitu prestosu un buen ratáu antias de cenar nas llargas tardes d’hibiernu, estación na qu’había menos que facer que n’outras épocas del añu.
Parez que tantu’l vezu cumo’l términu tienen el sou orixe nas xuntanzas que se facían antaño pa repartir las velías de caltenimientu, cebáu y andar al pesque de las trapas pa llobos, chamadas calechos, asina cumo determinar outros detalles d’ellas. El calechu yera principalmente una tertulia na que se comunicaban las anuncias de la vida diaria, anque tamién podía xugase a las cartas y contase historias divertidas, cuentos y cosillinas, estas últimas dedicadas especialmente a los rapaces. Tamién yera’l momentu no que s’acordaba áu s’axuntarían pola nueite pal filandón anque, estremáu d’ésti, no calechu nun se solía trabayar y, por tanto, tenía un aquel mayormente lúdicu, d’ehí’l protagonismu de la xente moza en muitos casos. Pero amás d’engayolar, dacuando’l calechu tenía un llau pedagóxicu, yá que yera aproveitáu polos padres pa deprender a los sous fiyos cousas de la escuela.
Cona celebración de los Calechos d’hibiernu, l’Asociación Cultural Faceira y la Conceyalía d’Acción y Promoción Cultural del Ayuntamientu de Llión non solo rinden homenaxe a esta costume, senon qu’intentando xuntar esparcemientu y educación, buscan visibilizar la realidá del nuesu idioma y la sua literatura traviés de trés conferencias y una velada músico-literaria baxo’l siguiente programa:
Programa Febrero 2026
6/02/2026 . José Ramón Morala (Universidá de Llión): «Sobre la castellanización del dominiu asturllionés na rexón llionesa» (conferencia).
13/02/2026 . Iván Cuevas (El Teixu. Rede pal Estudiu y Defensa de la Llingua Asturllionesa): “Nomes, sitios y datos p’armar outra historia de la literatura llionesa” (conferencia).
20/02/2026. Fernándo Álvarez-Balbuena (Universidá d’Uvieo): “Los territorios del llionés. Una zonificación del asturllionés occidental actual con atención particular a las falas de Llión” (conferencia).
27/02/2026. Velada músico-literaria n’homenaxe a Xuan Bello: «un escritor asturllionés»
- Alberto Flecha (Asociación Cultural Faceira)
- Beatriz Blanco Fontao (Asociación Cultural Faceira)
- Antonio Manilla (Poeta)
- Diego Gutiérrez (Guitarra y voz)
Tódalas intervenciones son de vienres ya principian a las 19:30 horas no Palaciu del Conde Ḷḷuna (Praza del Conde Ḷḷuna, 24003, Llión)
Dirección y coordinación: José Ignacio Suárez García
Fonte: Asociación Faceira
